O'zbekiston va Rossiya
2022-2026 yillarga mo'ljallangan hamkorlik
dasturini tayyorlamoqda

Endi har ikki davlatni umumiy qiymati 15 milliard dollarga teng 151 qo’shma sarmoyaviy loyiha bog’lab turibdi.

O’zbekiston va Rossiya rasmiylari 2022-2026 yillarga mo’ljallangan savdo-iqtisodiy, sarmoyaviy va madaniy-gumanitar hamkorlik dasturini tayyorlamoqda. Bu haqda O‘zbekiston Respublikasi Investitsiyalar va tashqi savdo vazirligi (ITSV) xabar berdi. Shu kunlarda, Iqtisodiy hamkorlik bo’yicha O’zbekiston-Rossiya hukumatlararo komissiyasi hamraislari-O’zbekiston Respublikasi Bosh vazirining o’rinbosari Sardor Umurzoqov va Rossiya Federatsiyasining Iqtisodiy rivojlanish vaziri Maksim Reshetnikovlar o’rtasida Toshkent shahrida hamkorlikning yangi ustuvor yo’nalishlari muhokama qilindi. Vazirlik ma’lumotlariga ko’ra, bugungi kunda ikki davlatni umumiy qiymati 15 milliard dollarga teng bo’lgan 151 qo’shma investitsiya loyihasi bog’lab turibdi. Umurzoqov va Reshetnikov Rossiya Federatsiyasi va O’zbekiston Respublikasi o’rtasidagi investitsiya loyihalari va savdo bitimlari doirasini kengaytirishga kelishib oldilar. «Hatto qiyin sharoitda ham biz o’zaro savdoning ijobiy dinamikasini yana bir bor ko’ramiz. Joriy yilning yetti oyi mobaynida o’tgan yilning shu davriga nisbatan 3,8% o’sishni qayd etdik», – deya ta’kidladi Reshetnikov. Uning so’zlariga ko’ra, har ikki tomon ham «o’zaro savdoning ijobiy dinamikasi shu yil oxirigacha davom etishiga umid qilishadi». Uchrashuvda, shuningdek, bir qator ikki tomonlama tadbirlarga tayyorgarlik ishlari, jumladan, Butunrossiya ko’rgazma markazida O’zbekiston milliy pavilonining rasmiy ochilish marosimi ko’rib chiqildi.   Manba: sputniknews.ru