Sayt yangilanmoqda

“O‘zbekekspertiza” AJ qoshidagi "Eksport markazlari" o’z faoliyatini boshladi

04.05.2024

198

“O‘zbekekspertiza” AJ qoshidagi "Eksport markazlari"  o’z faoliyatini boshladi

O'zbekiston Respublikasi Prezidentining 2024-yil 14-martdagi 126-son "Tashqi savdo va hududiy sanoatni rivojlantirishda tadbirkorlar birlashmalarining rolini yanada oshirish chora-tadbirlari to‘g‘risida"gi qarori ijrosini ta'minlash va eksportchilarga qulayliklar yaratish maqsadida Savdo-sanoat palatasi bilan hamkorlikda "O'zbekekspertiza" AJ tomonidan Jamiyat bosh ofisi va uning hududiy bo'linmalari qoshida "Eksport markazlari" tashkil etildi.

Qayd etish joizki, bugungi kunda “O‘zbekekspertiza” AJning respublikaning barcha hududlarida 28 ta bo‘linmalari mavjud bo‘lib, ular viloyat markazlari, bojxona postlari va asosiy eksport amalga oshiriladigan logistika markazlarida faoliyat yuritadi hamda har kuni 350 ga yaqin eksportyorlarga 900 dan ortiq tovarlarning kelib chiqish sertifikatlarini rasmiylashtiradi. Ya’ni, har kuni eksportyorlar bilan to‘g‘ridan to‘g‘ri muloqot amalga oshirilib, ularning muammo va takliflarini bevosita o‘rganish imkoniyati mavjud bo’ladi.

Shunga ko‘ra, hozirda tashkil etilgan Eksport markazlari orqali 450 dan ziyod korxonalarning holati o‘rganilib, 123 ta korxonalarning hal etilishi zarur bo‘lgan masalalari “Yagona eksportchilar markazi” elektron portali orqali tegishli mas’ul tashkilotlarga yo‘naltirildi va ularni hal qilish choralari ko‘rilmoqda.

Shundan kelib chiqib, eksportyor korxonalar eksport jarayonlarida yuzaga kelayotgan to'siq va muammolarga yechim topish maqsadida ushbu eksport markazlariga “on-line” yoki “off-line” murojaat qilishlari mumkin.

"O'zbekekspertiza" AJ matbuot xizmati

Fotogalereya

Ortga qaytish