Бугун, Ўзбекистон Республикаси Президентининг 2024 йил 14 мартдаги ПҚ–126-сонли қарорида назарда тутилган вазифаларни амалга ошириш доирасида ҳамда 2017 йил 5 июндаги ПФ–5068-сонли Фармони ва Вазирлар Маҳкамасининг 2017 йил 5 июлдаги 468-сонли Қарорига мувофиқ, “Ўзбекэкспертиза” АЖ ва “Яшнобод” Инновацион технопарки ўртасида ўзаро ҳамкорлик тўғрисида Меморандум имзоланди.

Ушбу Меморандум юқори технологиялар соҳасидаги тадбиркорлик ташаббусларини қўллаб-қувватлаш, технологик ишланмаларни саноатлаштириш ва тижоратлаштириш жараёнларига кўмаклашиш ҳамда яратилган техно-маконда янги резидентларни фаол жалб этиш масалалари бўйича тизимли ҳамкорликни ривожлантиришга асос бўлади.