2025 йил 15 май куни “Ўзбекэкспертиза” АЖда Россия Федерацияси Божхона хизматининг Ўзбекистондаги вакили билан учрашув бўлиб ўтди. Учрашувда “Ўзбекэкспертиза” АЖ бош директори ўринбосари Аъзамхўжаев У.Ш. ва Россия Федерацияси Божхона хизмати вакили Гармонников С.Н. иштирок этди.

Учрашувнинг асосий мавзуси Ўзбекистон Республикаси Ҳукумати ва Россия Федерацияси Ҳукумати ўртасида имзоланган “Товарлар келиб чиқишини сертификатлаштиришнинг электрон тизимларини ўзаро қўллаш тўғрисида”ги Битимни амалга ошириш учун зарур бўлган техник шартларни келишиш ва кейинчалик тасдиқлаш масалаларини муҳокама қилишдан иборат бўлди.

Томонлар барча жараёнларни тезлаштириш ва мазкур лойиҳа доирасида конструктив ҳамкорликни давом эттиришга бўлган ўзаро қизиқишларини тасдиқладилар.