Tovarlarni O‘zbekiston Respublikasi Tashqi iqtisodiy faoliyat tovarlar nomenklaturasiga muvofiq tasniflash

Tovarlarni O‘zbekiston Respublikasi Tashqi iqtisodiy faoliyat tovarlar nomenklaturasiga muvofiq tasniflash xalqaro savdoni rivojlantirish, O‘zbekiston Respublikasining bojxona chegarasi orqali olib o‘tiladigan tovarlar uchun soliqlar va yig‘imlarni undirish jarayonini soddalashtirish, tovarlarni sertifikatlashtirish, me'yoriy hujjatlar talablariga rioya qilish va statistik hisobotlarni shakllantirish maqsadida qo‘llaniladi.

Ushbu turdagi faoliyat quyidagi huquqiy hujjat bilan tartibga solinadi:

• “O‘zbekiston Respublikasi tashqi iqtisodiy faoliyat tovarlar nomenklaturasini (2022y. tahriri) joriy etish to‘g‘risida, O‘zbekiston Respublikasi Prezidentining 2022-yil 28-dekabrdagi PQ-460-son qarori.
• Jamiyatning lokal akti PSK-10 “O‘zbekiston Respublikasi Tashqi iqtisodiy faoliyat tovarlar nomenklaturasiga muvofiq tovarlarni tasniflash bo‘yicha ishlarni amalga oshirish tartibi to‘g‘risidagi nizom”.

“O‘zbekekspertiza” AJ tomonidan beriladigan O‘zbekiston Respublikasi Tashqi iqtisodiy faoliyat tovarlar nomenklaturasiga muvofiq tovarlarni tasniflash bo‘yicha ekspert xulosasi mustaqil bo‘lib, tavsiyaviy ahamiyatga ega, bu xulosaning “ekspertiza maqsadi” bo’limoda ko‘rsatilgan. Tashqi iqtisodiy faoliyat tovarlar nomenklaturasi bo‘yicha ekspert xulosalarini berish buyurtmachilarning so‘rovlariga muvofiq belgilangan tartibda amalga oshiriladi.