Bo‘limni tashkil etish va faoliyat yuritishning normativ-huquqiy asoslari

“Ўзбекэкспертиза” акциядорлик жамияти таркибидаги Лойиҳа офислари фаолиятини ташкил этиш бўлими ўз фаолиятини Ўзбекистон Республикаси Президентининг 2024 йил 14 мартдаги ПҚ–126-сонли “Ташқи савдо ва ҳудудий саноатни ривожлантиришда тадбиркорлар бирлашмаларининг ролини янада ошириш чора-тадбирлари тўғрисида”ги Қарори асосида амалга оширади.

Ушбу норматив-ҳуқуқий ҳужжатда, жумладан, “Ўзбекэкспертиза” акциядорлик жамиятининг ташкилий тузилмаси доирасида лойиҳа офислари фаолиятини ташкил этиш белгилаб қўйилган. Бундай офислар тадбиркорлик субъектларига амалий ёрдам кўрсатиш учун мўлжалланган бўлиб, қуйидаги йўналишларни қамраб олади:

• бизнес-режаларни ишлаб чиқиш ҳамда тайёр бизнес-лойиҳаларни таклиф этиш;
• тадбиркорлик фаолиятини ташкил этиш ва корпоратив бошқарувни жорий этиш.

Бўлим фаолиятининг асосий мақсадлари:

• ҳудудларда ишбилармонлик ташаббусларини қўллаб-қувватлаш ва ривожлантириш;
• лойиҳаларни ишлаб чиқишда ҳокимият органлари, банклар, ривожланиш институтлари (илмий муассасалар, эркин иқтисодий зоналар ва бошқалар) билан ягона институционал ёндашувни шакллантириш.

Бўлимнинг ташкил этилиши мазкур Қарорнинг амалий ижросини таъминлаш ҳамда “Ўзбекэкспертиза” АЖнинг ҳудудий филиалларида лойиҳа офислари фаолиятини йўлга қўйиш учун ҳуқуқий ва ташкилий асос ҳисобланади.

БЎЛИМ ВАЗИФАЛАРИ ВА ФАОЛИЯТ ЙЎНАЛИШЛАРИ

Лойиҳа офислари фаолиятини ташкил этиш бўлими ҳудудларда тадбиркорлик субъектларини қўллаб-қувватлаш ва уларнинг инвестициявий фаолиятини мувофиқлаштиришга қаратилган институционал платформа сифатида фаолият юритади.

Асосий вазифалари:

• Тадбиркорларга амалий ёрдам кўрсатиш — бизнес-режаларни ишлаб чиқишда, соҳавий стандартлар ва ҳудудий хусусиятларни ҳисобга олган ҳолда.
• Ҳудудларнинг устувор ривожланиш йўналишларига мос, типик бизнес-лойиҳаларни ишлаб чиқиш ва илгари суриш (саноат, агросаноат мажмуаси, экспорт ва импорт ўрнини босиш соҳалари бўйича).
• Бизнес-режалаштириш, ҳуқуқий расмийлаштириш, молиявий моделлаш, оқибатларни баҳолаш ва молиялаштириш манбаларини жалб этиш бўйича маслаҳат ва экспертлик ёрдамини кўрсатиш.
• Ҳокимият органлари, банклар ва ривожланиш институтлари билан ҳамкорликни йўлга қўйиш (инвестициявий лойиҳалар учун қулай муҳит яратиш мақсадида)
• Лойиҳа бошқаруви, бизнес юритиш ва корпоратив бошқарувни жорий этиш каби мавзуларда тадбиркорлар учун семинарлар, вебинарлар ва мастер-класслар ташкил этиш, жумладан корпоратив мижозлар учун ҳам.