Видеоконференцалоқа форматидаги ҳудудий вебинарлар (режалаштирилган 12 та чиқиш доирасида)

2025

Апрел

2025 йил 14 апрелдан бошлаб “Ўзбекэкспертиза” акциядорлик жамияти таркибидаги Лойиҳа офислари фаолиятини ташкил этиш бўлими томонидан Фарғона вилояти тадбиркорлик субъектлари иштирокида видеоконференцалоқа форматида режалаштирилган вебинарлар циклидан илк вебинар ўтказилди.

Вебинар доирасида бизнес вакилларига бизнес юритиш ҳамда корпоратив бошқарув мавзуларида маърузалар тақдим этилди.
Маърузаларни қуйидагилар ўқиб эшиттирди:

• Маҳмудов Саидкарим Саидматович — “Ўзбекэкспертиза” АЖ бош директори, иқтисод фанлари бўйича фалсафа доктори (PhD)
• Юнусов Матжон Зопирқулович — “Ўзбекэкспертиза” АЖ Кузатув кенгаши ҳузуридаги Корпоратив котибият раҳбари

Вебинар давомида стратегик ривожланиш, жамоавий масъулият, рақамлаштириш, корпоратив регламентларни жорий этиш ҳамда бизнес юритишда институционал ёндашув масалалари муҳокама қилинди.
Шу билан бирга, лойиҳа офислари ва тадбиркорлар ўртасидаги ҳамкорликни мустаҳкамлаш, ички ва ташқи бозорларда рақобатбардошликни таъминлаш бўйича амалий таклифлар билдирилди.

Вебинар якунлари бўйича, барча иштирокчилар тадбир учун миннатдорлик изҳор этиб, унинг юқори амалий аҳамиятга эга эканини қайд этдилар ва бундай тадбирларни мунтазам ўтказиш ташаббусини қўллаб-қувватладилар.

Шунингдек, ушбу вебинарлар мамлакатимизда бизнес муҳитини ривожлантириш, корпоратив маданиятни мустаҳкамлаш ва ҳудудий тадбиркорлик салоҳиятини рўёбга чиқаришда муҳим ўрин тутиши алоҳида таъкидланди