“Tashqi savdo faoliyatini va bojxona tartib-taomillarini davlat tomonidan tartibga solish chora-tadbirlarini amalga oshirishning amaliy jihatlari” davra suhbati

2023-yil 25-noyabr kuni “O‘zbekspertiza” AJ va O‘zbekiston bojxona brokerlari assotsiatsiyasi hamkorligida “Tashqi savdo faoliyatini davlat tomonidan tartibga solish va bojxona tartib-taomillarini amalga oshirishning amaliy jihatlari” mavzusida davra suhbati o‘tkazildi.

Tadbir interaktiv ko'rinishda bo‘lib, gibrid formatda – virtual ishtirok va ishtirokchilarning shaxsiy ishtiroki asosida o‘tkazildi.

Tadbirdan ko‘zlangan maqsad – bojxona tartib-taomillari ishtirokchilarining huquqiy savodxonligini oshirish va tashqi savdo faoliyati ishtirokchilari o‘rtasida yuzaga keladigan muammolarni aniqlash, shuningdek, soxta deklaratsiyalarning oldini olishdan iborat.

Davra suhbatida tadbirkorlik sub’yektlari va davlat organlari (Bojxona qo‘mitasi, Texnik jihatdan tartibga solish agentligi va boshqalar), shuningdek, Xalqaro biznes uyushmalari ittifoqining tashqi savdo sohasidagi xorijiy hamkorlari va O‘zbekiston Respublikasi hududiy birlashmalari kengashi vakillari va Bojxona brokerlari/Markaziy Osiyo mintaqasi vakillari ishtirok etdilar.