“O‘zbekekspertiza” AJ markaziy apparati hamda hududiy bo‘linmalar xodimlari 4–7 may kunlari O‘zbekiston Respublikasi Prezidenti huzuridagi Davlat siyosati va boshqaruvi akademiyasida tashkil etilgan sun’iy intellekt texnologiyalaridan foydalanish bo‘yicha qisqa muddatli malaka oshirish kurslarini muvaffaqiyatli yakunladilar.

Mazkur o‘quv dasturi davomida ishtirokchilar raqamli kompetensiyalar, sun’iy intellektni boshqaruv va ekspertiza jarayonlariga joriy etish, hujjatlarni avtomatik tahlil qilish, ishlab chiqarish va boshqaruv jarayonlarini avtomatlashtirish, kiberxavfsizlik hamda zamonaviy AI infratuzilmasi bo‘yicha nazariy va amaliy bilimlarga ega bo‘ldilar.

O‘quv yakunida barcha tinglovchilarga malaka oshirganlikni tasdiqlovchi sertifikatlar topshirildi.

Mazkur tashabbus “O‘zbekekspertiza” AJ tizimida raqamli transformatsiyani jadallashtirish, zamonaviy texnologiyalarni amaliyotga keng joriy etish hamda xodimlarning professional salohiyatini oshirishga xizmat qiladi.