O'zR TIF TN ning yangi tahririni ishlab chiqish. (2022-tahriri)

  • O‘zbekiston Respublikasining Tashqi Iqtisodiy Faoliyat Tovarlar Nomenklaturasi (O’zR TIF TN) Jahon bojxona tashkilotining Tovarlarni tavsiflash va kodlashning uyg‘unlashtirilgan tizimi va Mustaqil Davlatlar Hamdo‘stligi tashqi iqtisodiy faoliyatning yagona tovarlar nomenklaturasiga asoslanadi.

    2022-yil 1-yanvardan boshlab Tovarlarni tavsiflash va kodlashning uyg‘unlashtirilgan tizimining yettinchi nashri kuchga kirishi munosabati bilan O‘zbekiston Respublikasi Investitsiyalar va tashqi savdo vazirligi, O‘zbekiston Respublikasi Davlat bojxona qo‘mitasi va “O‘zbekekspertiza” AJ bilan hamkorlikda hozirda O’zR TIF TN ning yangi tahririni (2022-tahriri), hamda yangi tahrirdagi TIF TN ga qiyoslash jadvalini ishlab chiqish ustida faol ishlar olib bormoqda.

    Uyg‘unlashtirilgan tizimning 2022 yilgi nashri Jahon bojxona tashkiloti (JST) tomonidan doimiy ravishda amalga oshirilgan nomenklaturani har tomonlama qayta ko’rib chiqishning navbatdagi besh yillik tsiklining natijasidir. JST ma’lumotlariga ko’ra, o’zgarishlar birinchi navbatda ishlab chiqarish texnologiyalarining o’zgarishi bilan bog’liq. Yangi tovarlar paydo bo’lib, bu tovarlarning aylanmasi o’sib bormoqda, ularning jahon bozorida ahamiyati ortib bormoqda. Boshqa tovarlar, aksincha, o’z ahamiyatini yo’qotadi va shunga mos ravishda ularning aylanmasi kamayadi. Savdo tuzilmasi o’zgarmoqda. Ko’pgina boshqa tarmoqlarda yarim tayyor mahsulot sifatida ishlatiladigan tayyorlanmagan va oraliq mahsulotlar savdosi tobora muhim ahamiyat kasb etmoqda. Uyg‘unlashtirilgan tizimga ushbu yangiliklar asosida tegishli o’zgarishlar kiritiladi.