“Ўзбекэкспертиза” Акциадорлик жамияти ходимлар ўртасида коррупцияга қарши курашиш борасида олиб борилаетган ишлар тўғрисида МАЪЛУМОТ

Ўзбекистон Республикаси Президентининг 2020 йил 29 июндаги ПФ-6013-сонли “Ўзбекистон Республикасида Коррупцияга қарши курашиш тизимини такомиллаштириш бўйича қўшимча чора-тадбирлар тўғрисида” ги Фармони ҳамда 2021 йил 6-июлдаги “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида”ги ПҚ-5177-сон Қарорининг ижросини таъминлаш мақсадида “Ўзбекэкспертиза” Акциадорлик Жамиятида ички буйруғи билан Коррупцияга қарши, шунингдек ички “комплаенс-назорат” вазифаларини бажарилиши юзасидан малакали ходимлардан иборат ички назорат гурухи (тузилмаси) ташкил этилган ва коррупцияга қарши курашишга қаратилган ички хужжатлар ишлаб чиқилган. Жамиятнинг коррупцияга қарши курашиш ички назорат гурухи томонидан коррупцияга оид хуқуқбузарликларнинг олдини олиш, уларни аниқлаш, шунингдек уларга имкон берувчи сабаблар ва шарт-шароитларни аниқлаш ва бартараф этиш, Жамият ходимлари томонидан қонунийлик, холислик очиқлик ва шаффофлик принциплари асосида мижозларга хизматлар кўрсатиш бўйича ишлар олиб борилмоқда. Шунингдек, ходимлар учун амалдаги қонунчиликни ўрганиш, уларнинг маданиятини, ходимлар этикасини ошириш бўйича сухбатлар ва ўқишлар ўтказилди. Шу жумладан, 2021 йил 21 октябрда, янги стандартларни жорий этиш соҳасидаги мутахассислар иштироқида, Жамият бошқарма ва бўлим бошлиқлари ва филиал рахбарларига тизимда ISO37000:01 “Коррупцияга қарши курашиш менежмент тизими” стандартларини амалга ошириш тўғрисида йиғилиш ўтказилган. 2021 йил 23 декабрда худудий ШХЖ директорлари иштироқида Ўзбекистон Республикаси Президентининг 2021 йил 7 июндаги «Коррупцияга қарши курашиш фаолиятини самарали ташкил этиш бўйича қўшимча чора-тадбирлар тўғрисида»ги ПҚ-5177-сонли қарорига мувофиқ, Жамиятда коррупцияга қарши кураш фаолиятини самарали ташкил этиш масаласи бўйича семинар бўлиб ўтган.