“O‘zbekekspertiza” AJ da ISO 9001:2015 standartiga muvofiqlik bo‘yicha birinchi kuzatuv auditi o‘tkazildi

2022-yil 12-aprelda “O‘zbekekspertiza” AJ (keyingi o‘rinlarda- Jamiyat deb yuritiladi) Sifat menejmenti tizimining (SMT) birinchi kuzatuv auditi o‘tkazildi, uning maqsadi sifatni doimiy ravishda yaxshilashga qaratilgan jarayonlarning borishini tahlil qilish edi.

Jamiyatning Sifat menejmenti tizimi birinchi marta 2006 yilda sertifikatlangan bo’lib, keyinchalik har uch yilda bir marta qayta attestatsiyadan o’tkaziladi, bu esa  Jamiyatning Sifat menejmenti tizimining etukligini ko’rsatadi.

TÜV Thüringen e.V  nomi bilan ro’yxatdan o’tgan TÜV International Certification (TIC) Germaniya sertifikatlashtirish organining rasmiy hamkori bo’lgan OOO «SERT MANAGEMENT» xalqaro sertifikatlashtirish organining bosh auditori N.M.Allaxo‘jaeva boshchiligidagi ishchi guruh organ tomonidan belgilangan mezonlar bo‘yicha “O’zbekekspertiza” AJda birinchi kuzatuv audit ishlarini amalga oshirdi.

Birinchi audit kuzatuvi natijasiga ko’ra, Jamiyatning kuchli tomonlari qayd etildi. Jumladan: SMTni yuritishda Jamiyat  rahbariyati, bo’lim boshliqlari va barcha xodimlarining mas’uliyati va ishtiroki; rejalashtirish va monitoring tizimi; xodimlarning malakasi, iste’molchilar bilan yaqin aloqasi; tegishli hujjatlarni kerakli holatda saqlash va h.k

Auditorlar Jamiyat rahbariyatining infratuzilmani rivojlantirishdagi rolini yuqori baholadilar. Ko‘rsatilayotgan xizmatlar sifatini oshirish, mijozlar va Jamiyat  xodimlariga qulay shart-sharoitlar yaratish maqsadida bugungi kunda jamiyat ma’muriy binosini ta’mirlash hamda zarur bo’lgan zamonaviy orgtexnika va mebellar bilan jihozlash bo‘yicha katta hajmdagi ishlar amalga oshirilmoqda. Auditorlar ichki va tashqi muhitdagi barcha o‘zgarishlar hamda ularni raqamlashtirish darajasini hisobga olgan holda biznes-jarayonlarning samaradorligi mezonlarini o‘rgandi. Audit natijasi tashkilotning SMTni joyida baholash orqali menejerlar va xodimlar bilan suhbatlar o’tkazish, hujjatlarni ko’rib chiqish va namunalarni nazorat qilish tartibiga muvofiq jarayonlarni monitoring qilish orqali olingan.

Kompaniya sinovdan muvaffaqiyatli o’tdi va TÜV International Certification (TIC) sertifikatlash tizimida berilgan ISO sertifikatining haqiqiyligini tasdiqladi. Jamiyatning hujjatlari va jarayonlari menejment tizimining hozirgi talablarga javob berishi va kutilgan yakuniy natijaga erishishga qodir ekanligini ko’rsatadi

Ma’lumot uchun: TUV International Certification (TIC) xalqaro sifat sertifikatlari butun dunyoda tan olingan va kompaniyada puxta o‘ylangan boshqaruv tizimi va uning mijozlar ehtiyojlarini qondirishga qaratilganligidan dalolat beradi. TUV International Certification (TIC) mijozlari orasida Aeroflot – Russian Airlines OAJ, Thai Honda Manufacturing Co., Deutsche Lufthansa Air Cargo, SONY texnik xizmat ko’rsatish guruhi, DaimlerChrysler, Mercedes Benz, Skoda-Gruppe, Thyssen, Krupp kabi global kompaniyalar bor. Siemens, BMW va boshqalar.